شقــآّآّآّوةْ بنــآتٍْ!

السلام عليكم والرحممه ~.

ولكككم ولكككم

يسسعد يومــك ي عسسل

يآلييت تنورنــآآ وتسجججل



    || روـآآية ثقيله مزحة الدنيا \ كــآآمله ~..

    شاطر
    avatar
    ¬» βëήţ ĠάĻάĝ » ●°
    صـآحبة الموقع || ~
    صـآحبة الموقع || ~

    مسآهمآتي : 958
    نجومـي : 2267
    تقيـمي : 750
    تاريخ التسجيل : 01/04/2011

    رد: || روـآآية ثقيله مزحة الدنيا \ كــآآمله ~..

    مُساهمة من طرف ¬» βëήţ ĠάĻάĝ » ●° في الخميس سبتمبر 15, 2011 7:35 am



    الجزء الثالث و العشــرون..!
    ???

    لما طلع ..لحقوه كلهم .. الا ام سطام ..
    محد قدر يلحق عليه الا مشعل .. اللي ركض لين وصل للسياره ..وركب فيها قبل يشخط سطام ..
    جَرِيَـَـَح وآللي عَلَّمنِي آلمشِي ع'ـلمنِي " أطِيَـَـَح" ~

    - يمه وش الكلام اللي قاله سطام !!
    ام سطام مغطيه وجهها بـ يديها وتصيح :اللي سمعتـوه
    نوره اللي طلعت وهي تدف ملاك بالعربيه لأنها سمعت صوت سطام فالصاله ..وصدمهم منظره يوم كان شوي ويبـكي .. وصدمهم كلامه أكثر :يمه ! ..فهمينا وش السالفه؟!
    ام سطام :...........
    متعب بـ قهر: يمــــه تكلمي تكفين!
    ام سطام بقل حيله وصبر :خلااص اللي سمعتوه ! ماأعتقتد فيه كلام اكثر من كذا ..سطام مهب ولدي .. واحد جانا وجابه لنا ورضعته مع احلام !! ..بس
    الكـــــل !!
    مصدومين ! ..
    احلام بـ صدمه :يعني سطام! ..مب اخوي؟؟
    ام سطام :لآ !!

    لقّتني[..آلدّنيـآ].. منهجْ آلآحزٍآن

    صفحه صفحه..!

    حتىإ بآتتْ نفسي*

    تستنكرٍ الـ :فرٍحْ~


    "صرخ عليه"- سطام لـ المره المليون اقولك وقف على جنب وهـدّ نفسك
    وقف سطام على جنب عند طريق الدائري قبل ستيك هآوس ..خبط فالدركسون وقال دموعه تاخذ مجرآها بـكل اريحيه:شلون تبيني اهدي نفسي؟..هاه قللي؟ .."وبكى وهو يتكلم " ..شلون تبينـي اهدى وانا الحين مجرد من أي شي ..لا اسم ولا اهل .. وشلوون
    ماقدر يتكلم لأنه بكـى ..بكـى أيامه اللي راحت بكـى اهله وامه اللي لين الحين يحبها .. بكـى شبابه ..بكـى كل شي
    حط راسه عـ الدكسون وكان جسمه يهتز من البكاء .. كان يبكي بصوت ..كتم وكتــم وكـتم بس الحين معد يقدر .. صحيح انه ممكن يطيح من مشعل بسبب دموعه ..ويمكن من عين نفسـه بعد ..
    بس معد يهمه .. هو يدري انه ضعيف في عين نفسه وخـلااص معد يتحمل
    مشعل كان متسـمر في مكانه ..اول مره يشوف سطام كذا .. سكر عيونه وهو يمنـع دمعته هو بعد .. شلون يشوف دموع اخوه وصديق عمره تنزل قدامه ..حط يده على كتف سطام :سطام فهمني وش السالفه؟ ..شلون منتب ولدهم تراني مافهمت وربي
    سطام ولين الحين راسه عالدكسـون :انا رحت لـ عبدالاله .. قلت له ابي الورث قالي انت لقيط ..منتب ولد فهد
    مشعل صدمه شلت مخه:أكييد فيه غلط !!
    سطام مارد ..بس طلع ملف تحت كان طايح تحت كرسي مشعل :أقـراه !
    ?????

    . . الـ ألمْ] !

    لمآ تقْتلْ رغبت?ْ. .

    و تلمَح بـ. . {عينْ إن?سآر?ْ‘‘

    ?لْ حيآت?ْ مهززلةْ!

    لمآ تتغرّب نفس?ْ. . !

    لمآ تتجرّع مرآرةْ حُزن?ْ . .

    وجوّآ?ْ "ميّت" !

    لمآ ت?سِرْ بـ يّـد حرف?ْ { هآلقلمْ!!


    ?????

    وهو جالس عالكرسي اللي يهتـز .. ويطالع السما وجالس يستغفر عن ايامه اللي راحت من غير منفعـه
    - انت هنا وانا ادورك ؟!
    أبتسم يوم شافها :هلا يمه! .. "زحف لها عشان تجلس " ..تعالي اجلسي
    جت وجلست :وش مجلسك لحالك ..انا ماصدقت خبر تطلع من المستشفى .. وتجي عندي .. تقوم تجلس لحالك
    ناصر التفت لها :يعني افهم انك فقدتيني
    ام محمد :أكيد !
    ناصر بـ همس رومنسي :يعني افهم من كذا انك تحبيـني؟
    ابتسمت :ماتغير حركاتك !! .. "وقلبت للجديه" ..ناصر أنت ليه تركت العلاج النفسي ..ترا ماصار لك الا اسبوعين
    ناصر ببتسامه :معد احتاحه خلاص
    رجعت به الذآكر لأيامه في المستشفى .. وكيف عانا اسبوعين رهيـبين .. كان فاقد لـ عقله مرره .. وينادي فراس .. وكأنه الحين جالس يعيش المشهد !

    ?????
    وهي تشيل شيها بتطلع ..كـ العاده مابقى فـ الشركه الا هو وهي ! ..ماتدري ليه فيصل مايطلع الا آخر واحد ..
    وهي تمشي ..تفاجأة ان حسين ما طلع لين الحين وكان جالس عند البوابه ومسند نفسه عـ الجدار وحاط يديه في جيوبه ورافع رجل وحده عالجدار ..
    جت بتطلع بس ناداها ..شدهتها نبرته الغريبه !
    لما التفت كانت عيونه تحمل الكثير من الكلام ..نطرته خلت عقلها يروح ويجي
    جوان ماسكه شنطتها :نعم؟
    حسين اعدتل في وقفته ..وناظر الارض بـ توتر :امم ..إحم! وودي اقولك شي بس
    جوان تنتظره يتكلم ..بس شكل ماعنده نيّـه فـ قالت :وش بغيت؟
    حسين يطالع الشركه :ماينفع هنا .. تجين للكوفي اللي فآخر الشارع ..
    يوم حس انها بترفض قال بسرعه:تكفين بس شوي ..وبعدها روحي ..بقول اللي عندي وروحي!
    جـوآن تطالع ساعتها:اوكي ..معك 10 دقايق ..بلحقك بـ سيارتي
    ?????
    بلع ريقه وهو يقـرا اللي انكتب قدامه .. رفع عينه على سطام ماأنتـظر ردة فعل .. راسه عالدركسون ..مايلومه على أي دمعه تنزل ..مايلومه على طريقته فالكلام مع امه .. مـــايلومه على ولا شـي!
    مشعل :سطام! مدري وش اقولك والله
    أبتسم بسخريه ..رفع راسه وبانت عينه اللي صارت حمرا :تدري! انا ناقد على نفسي ..شلون ماعرفت ..
    التفت للمشعل وطالعه ..وجهه انقلب للأحمر :مفروض اعرف! ..شلون ماأنتبهت ان مابيني وبين اخواني شبه! .. مفروض اعرف الفروق اللي بيني وبينهم ..حتى امي! ..
    وده يقول ام متعب ..بس مايقـوى ..هذي أمه!!
    مشعل حط يده على كتفه ..وحس بدموعه تجمعت من منظر سطام اللي يليّـن الصخر :سطام
    سطام طنشه وكمل :حتى امي .. اللي مفـروض تحن علي .. ماكانت تطيقـني بس كنت افسر هالشي انه غضب ..أو هذا طبعها ..بس ماقد فكرت انها ماتعامل متعب كذا ..أو قد فكرت بس تجاهلت!
    يحس الافكـار تتضارب في راسه ..:تدري يوم قبل يموت ابوي! .. يوم حسبوا الشرطه ان انا اللي ضربت ملاك .. كانت تبي تطلع ابوي من السالفه وتدخلني انا تخيل مشعل تبي تخلي انا اللي ضربت اختي .."مسك راسه "..هي مو اختي بس ..وربي احبهـا مثل اختي .. وانا والله كنت نايم في غرفتي..بس ابوي اعترف! .."طالعه" .. مشعـل هذي اُم بالله .. "أشر على قلبه"..تراها لين الحين فـ قلبي ولا نسيتها! ..بس انت قل لي هذي اُم؟
    مشعل طالع فالجهه الثانيه لا يبـكي معه ..لفه سطام وقال بـ رجى :جاوبني! ..هذي ام! ..في ام ترمي ولدها للسجن بـ يدها!! .. مشعل انت قـل لي! ..
    مشعل اخذ سطام وضمه :خـلااص! ..إنسـى
    ماقدر سطام الا انه يستسلم ..وبكى في حظن مشعل مثل الطفـل .. قال البكى يقطع كلامه : كلهم تركوني في وقت حاجتي لهم ..أدري اني ماأبين اني محتاج لأحد ..بس وربي انا ماأقدر اوقف لحالي! .. فهد ..امي..حتى ابوي..خلاني اتحمل عبـئ ماكنت اقدر عليه لحالي ..تحسبها سهله انك تحس ان فيه ناس بـ رقبتك وانت اللي تصرف عليهم
    مشعل شد عليه وطالع فوق لاتطيح دمعته اللي جالس يداريها من اول ماشاف دمعته سطام .. :خلااص سطام .. أذكـر الله !
    أشـٍٍٍگٍُـٍـي مرارة حيرتـي ..
    الدنيا ماظني بـ/ تزين .. وإذا بدآ بـ‘ عيني الامل
    تجـد أحزاني وتبيـن ..~

    ?????
    النَاسَ
    والوقتَ ~
    ضَديَ.. "وانتمَ ?ل?مَ ضديَ"~
    وانتمَ ?ل?مَ ضديَ~
    وانتمَ ?ل?مَ ضديَ~
    ?????
    - وش تبين تطلبين؟
    جوان :مـا أبي شي ..بس أبيك تقول اللي عندك لأن جلستي معاك هنا غلط
    حسين بـ توتر :اممممم ! .. طيب بقولك ..
    شبك يديه بتوتر ..نزل راسه وكأنه يستجمع اللي بيقوله رفع راسه :إحم .. شوفي انا إنسان في سن يسمح لي بالزواج! ..والخير واجد.. وووووو
    جوان تكتفت وسند نفسها ..تحتريه يكمل ..
    حسين رفع عينه :بصراحه جوان .."رجع يناظر يده" .. انا من اول يوم شفتك وانا امم ..معجب فيك ..وهالاعجاب كل ماله ويزيد .."رفع عينه" ..أنا احبك!
    حست بالدم رقى في راسها ووقف .. بلعت ريقها وهي تطالعه بـ صدمه .. :انا؟
    حسين طنش سؤالها : وأبيك ترضين فيني كـ زوج .. فأنا منايدك وبسألك ..تتزوجيني؟
    جوان رفعت ظهرها عن الكرسي وعدلت جلستها بـ توتر وإحراج .. ودها الارض تنشق وتبلعها .. آخر شي كانت تتوقعه ان حسين يطلب يدها للزواج .. اساسا آخر شي كانت تفكر فيه الزواج في هالظروف ..وانها مغربه عن اهلها ..هذا ان كان عندها آهـل!
    حسين :انا مستعد اعيشك ملكه ياجوان! .. وإن بغيتي تدرسين بخليك تدرسين ..وتبين تعيشين هنا في أمريكا ماعندي مانع ..واذا تبين تعيشين في السعوديه ..انا مسعد اوديك السعوديه بـ طيارتي ..بس اتمنـى توافقين علي ..لأني زي ماقلت لك ..أحبك وشاريك
    ماقدرت تتكلم ..تحس انه جالس يلعب عليها وشاف انها من غير اهل ولا سند قال خل العب عليها ..بس لا! ..هو ماقال احبك واكتفـى فيها ..هو طلب بعدها الزواج ومستحيل يكون جالس يلعب فيها اذا كان يبي يتزوج !
    قام عنها :انا بـ تركك تفكرين! .. وردي لي .."أبتسم" ..على فكره ترا ابوي بـ يجي على امريكـا بعد كم يوم .. وأبغـى اعرفه عليك طبعا هذا أن بلغتيـني موافقتك .. وإن رفضتي .. اعتبري ان ماصار شي
    طلع عنها وهي جالسه عالكرسي .. وتفكـر والهواجيس تاكل بـ راسها !
    طيب وفيصـل؟
    ليه جا في بالها فيصل .. وش معنـى هو؟ ..هي تعترف ان ماقد فكرت بـ حسين ابد .. وحسين مو من نوعيتها .. ولا قد نظرت له كـ رجل !..ممكن انها تتزوجه او ترتبط فيه
    /
    - but he is cute dady!
    (ولكن يـا أبي انه وسيم )
    ابوها :جوان حبيـبتي! انتي تعرفين المبـداء البنت ماتماشي عيال ابد
    جوان :بس هو قال انه بحبـني
    ابوها : انت توك صغيره وإذا حبك واحد يجي يطلب يدك للزواج منـي انا فاهمتني حياتي .. مو لأننا في امريكا معناها تنسين دينك
    جوان راحت غرفتها بـ زعل
    /
    نزلت دمعتها :وينك يبه ! عشان يجي يخطبـني منك!

    ?????
    في اليوم الثاني
    عدلت شكلها قدام المرايه ,توها قايمه من النوم ومـروقه
    سمعت صوت دق عالباب ..كانت الشغاله دخلت ومعاها صينيه عليها كروسآن وعصير وحلآ
    حطتها وطلعت ..القت نظره اخيره على شكلها كانت لابسه بلوزه سودآ من أشكال لاكوست اللي تجي نص قميص وبنطلون جينز سكنـي ازرق غامق ومعه فلات احمر ..وشعرها رفعته شنيـون تحت مجعد
    كلت لها شويه من الكروسون وهي مشغله التلفزيون قدامها ..
    رن جوالها
    المتصل>ندووي
    نجلا :أهلا وسهلا
    ندى :وش عندي مروووقه الاخت
    نجلا ببتسامه : شفتي عاد ..ندوي ودي اطلع وش رايك نروح لنا مكان هيك
    ندى :امممممم وش رايك نروح لبولينغ >ماتعوق معهم ماشاء الله عليهم خخ
    نجلا :بعييد يختي
    ندى :لا يكثر بس..مريني يالله
    نجلا :هههههههههه أبشري عمتي ..الا ماقلت لك
    ندى :لا إيش
    نجلا :نصابه..يمكني قلت لك
    ندى :ياليل احتسـي لا افقع وجهتس
    نجـلا بكيـتنه : يأربيه منك ..عربجيآآ (بـ ترقيق الراء عمداً ) ..عايشه مع عيال انتي؟!
    ندى تقلدها بدلع بس مب لايق كنه طالع من خشمها :لا عايشه مع نجـلا
    نجلا بضحكه حتى رجعت على ورآ:ههههههههههههههههه او مآي قاد ! ..بحياتك لاتدلعين بليـز
    ندى:ماكذب خالد يوم قال انك من بنات الإينـو !
    نجلا :ياربيه ياشينك يختي!

    ندى :المهم وش اللي تبين تقولينه؟
    نجـلا : امممممم شريت سياره جديدآ ..
    ندى :ونآآسه ..وإيش شريتي ..واخيرا غيرتي سيارتك يختي اخوانك كل واحد اكشخ من الثاني وانتي ملعوب عليك بهـ التاهو
    نجـلا :طيب حبيتها وعاجبني شكلها
    ندى:المهم وش شريـتي؟
    نجـلا: ههههههه سعيد اخو مبارك ! ..جيب كدلك
    ندى :احسن من تاهو يختي .. المهم متى تمريني
    نجلا :والله ودي بـ الحين
    ندى :تونا اصبري عالاقل لين تروح الشمس
    نجلا :لا امشي بس يالله ..اخاف يروح الروقان وتصكني غلقه
    ندى :اوكي دقايق اقول لأمي والبس

    ?????
    فتح باب المجلس ..وشاف سطام اللي شايل شنطته وشكله ماذاق طعم النوم
    مشعل اللي كان لابس شورت اصفر مع تي شيرت بيت عادي:سطام! على وين العزم ان شاء الله
    سطام بنص إبتسامه : زي ماأنت شايف
    مشعل :ويين ؟
    سطام يعدل لبسه :بصراحه يا مشعل انا ضيقت عليك انت ومرتك ..وانتوا مالكم ألا مده قليله متزوجين ..
    مشعل متكتف ويطالعه :الحين انت تدري ان ماأحب القرآوآ
    سطام ببتسامه وماله خلق :مشعل احمد ربك عندك زوجه تهتم فيك وترآعيك .. ولما تدخل البيت تلقآه نظيف ومرتب ووحده جالسه تستناك هنا .. وتتمنى تشوفك رآضي عنها ومبسوط
    مشعل :اجل تزوج مثلي
    سطام ببتسامه فيها شوية حزن غطاها بالسخريه :يعني على بالك ماأبي .. لو بـ يدي كان تزوجت عالاقل القـى لي وحده تهتم لي ..بس من عقب امس ..غسلت يدي
    مشعل يغير الموضوع :على وين ؟
    سطام جلس :احلف ان اللي بقوله لك مايطلع لأي مخلوق
    مشعل لس هو بعد :أفـا عليك ! ..
    سطام سكت شوي :بروح لـ الشرقيه ..
    مشعل استغرب :وش يوديك هناك؟
    سطام :بسكن فيها بعد وش يوديني ..انت شايف اني اقدر اعيش مع اهلي عقب اللي صار
    مشعل :ووش صار يعني ؟ تراك لين الحين ولدهم ترا هالعشره مب سهل تنسي
    سطام قام :المهم انا بروح الحين .. بطلع رقم جديد وبدق عليك ..
    مشعل قام معه :سطام تعوذ من الشيطان
    سطام :اعوذ بالله من الشيطان ..المهم .. زي ماقلت لك ..ان درآ احد عن مكاني ترا حتى انت منتب دآري عني .. بغير رقمي وعنواني
    مشعل :يابن الحلال كلتـني وانا ماعلمت احد .. اجل لوني بقول وش بتسوي فيني
    سطام :ههه بذبحك
    ?????

    يآ طعٍ'ـَنةٍ خلّتنيْ أنسىَ مِن سبآيبهآ. .طعٍ'ـَـَونيّ}--

    يآ جَرحْ . .مآله طِبّ ،

    حتىَ لوُ أقُولْ { اليوُم طِبـتْ. . !

    البآرحةْ. .

    والله يگونْ بعٍ'ـَـَونْ أحآسيـسِـيّ| . .و عٍ'ـَـَونيّ ~

    أحآآولْ أهرُب من عٍ'ـَمآيلهُم ولگنْ,

    . . . . . مآ هربتْ !!


    مآدآمهُم مآ قدّروآ صِدْقيّ ،

    . . . . وُ. . |معٍ'ـَـَهُم جرْجرُونيّ!

    وربيّ مآ أنلآمْ لوُ بعٍ'ـَد آلذيْ سوّوهْ. .غٍ'ـَـَبتْ}--

    مآ گنتْ نآقصْ صدمةْ أخرىَ فيْ حيآتيّ . . !

    . . و أصدمُووونيّ!!
    ????

    - الفلوس اللي عطيتك تكفيك ؟
    نواف :ههه هذي لو اجلس ماأشتغل تكفيني انا واهلي
    ابو نواف ببتسامه :عاد لاتجلس تفسفس فلوسك على غير سنع ..افتح لك مشروع
    نواف :إن شاء الله .. ولو اني مب هالنوع ..
    ابونواف :كيف؟
    نواف تسند على الكرسي :مافيني جلد لهالاشياء
    انفـتح الباب ودخل العم مبـارك ..وماكان متفـآجأ من وجود نواف :انا مب قايل لك ولدك ماتستقبله في بيـتي ؟ واصلا ماأبيك تشوفه
    قام نواف وورآه عبدالعزيز
    عبـدالعزيز :بس يبه انا صار لي يمكن شهر واكثر ماشفته
    مبـارك :مايهمني! أنا ماأدخل عيال زبـاله في بيتي
    عبدالعزيز :انا ماأسمح لك يبه تقول عن ولدي زبـاله ! ..وبعدين الولد داخل من باب الخدم كله حفاظ على سمعتكم
    مبارك عصب :سمعتنـا هي سمعتك يــاغبي! ..
    آشر بـ يده كأنه يأشر للحيوان وانتوا بكرامه :اطلع يالله قدامي

    جآ نواف بـ يمشـي وهو ساكت ..بس عبدالعزيز مسك يد ولده :يبـه ! تكفى مابعد شبعت من شوفته تكفـى
    مبارك :قلت لك لا ..
    نواف تكلم أخيراً:عمي والله بطلع ! ..بس ابي اشـ
    قاطعه :غصبـاً عنك بتطلع اصلا..يالله اشوووف عالباب !!!!!
    عبدالعزيز عصب عشان ولده :يبه نواف مب طالع ..
    مبارك :مب طالع؟ ..
    صرخ ينادي عـ البودي قآرد .. جوآ 2 جثه ..ومسكوا نواف وجروه للباب ..ورموه بـ كل وحشيه على ارض الحوش ..وعبدالعزيز يحاول يوقفهم ومبـارك متفرج وكأنه يتـلذذ بهالللي يشوفه
    نزل له عبدالعزيز وساعده يقوم :عورك شي ؟
    مبارك :نواف اطلع احسن لك .. ولا بتشوف اكثر من كذا
    قام ووخـر التراب عن ملابسه , وقال وهو يطالع تحت :أبشر!
    ورآح للباب وطلع
    طالع مبارك في نواف لين اختفى ووصل للبوابه ..صرخ للحارس وقال :سكر الباب وياويلك ان شفته داخل مره ثانيه ..فــــأهم !
    نزل عينه ..انصدم يوم شاف منظر عبدالعزيز ولده اللي يتنفس بـ سرعه وجلس عالارض وهو يعرق .. عقد حواجبه
    بس اللي صدمه او حسسه ان عبدالعزيز صدق تعبان ..
    طـاح عالارض وفقد الوعي!!
    ركض مبارك :عبدالعزيز! ..عبدالعزيز ولدي قم !! ..وش فيك عبدالعزيز!!!

    ?????
    طلع من القصر وتوجهه للسيارته .. اللي كانت ملبقه قدام الباب .. ولا وداها للباركنق .. مبتسم ومبسوط لأن توه شايف بنته ديمه اللي يمكن صار عمرها شهرين ..
    وصل للسياره تو بـ يدخل يده في جيبه بس تذكر
    سعود يضرب جبهته وكأنه تذكر :يـــالله! نسيت مفاتيحي!!

    على كثرٍرِ مآ رٍآفقوِوِنيَ آصحآب ] - !
    محد قدرٍرٍ يفهم . . آحسآ ‘ إ آ سي "
    كثـٍر ٍر ٍر هآ

    /
    سعود يرقـى الدرج هروله يوم وصل ..لقاها فاتحه الباب تحتريه ..
    سعود:معليـــش!..نسيت مفاتيحي .. هههههه
    ديمـه تهز راسها ببتسامه .وتمد له المفاتيح :نظـارتك معك؟
    سعود هز راسه بـ:أيه.. بالسياره
    ديمـه:اوك..الله معك
    ابتسم لها ..وراح لـ الشغـل
    /
    أبتسم على هالذكرى ..بس بـ شوي آلم .. الله يرحمك ياديمه
    رجع للبيت من جديد بياخذ المفتاح ..شاف ان الشغاله مطلعه ديمه برآ ..وشكلها تمشيها
    سعود :لبستيها كويس؟
    الشغاله :يس سيـر!
    سعود :مافي قو تو آوت سايد ,جست هير اوكي؟ مره كولد برآ
    الشغاله :اوكي
    رآح اخذ المفاتيح ..
    ?????


    ملَيتْ مِنْ شَ?لِي [ الح‘ـَزينْ ] . . !


    ?ِلي. . { ملاَمِحْ باهته


    عَرِضتْ قلبي لـ الحِنينْ عَشانْ أدوّرِ راحِ‘ـَتهْ


    مِنْ?َمْ ش‘ـَهر [ِ مِتفارِقينْ ]ِ . . !


    وِ للحِينْ . . { أحِ‘ـَسْ بحَاجته ‘


    وِ للحِينْ . . { أحِ‘ـَسْ بحَاجته ‘


    وِ للحِينْ . . { أحِ‘ـَسْ بحَاجته ‘
    ?????

    مسك خط الشرقيه ..وهو يتذكر كل يوم جمعه بأمه وابوه وأخـوآنه
    ولما كان صغير بـ عمر الـ 9
    /
    نزل من الدرج وهو فيه النوم ويحك راسه بملل .. اول ماشاف امه كانت تحط الغداء
    رفعت عينها له :سطام؟ قمت وأخيراً
    سطام يتثاوب:يمممه عطله احد يقوم الساعه 3؟
    ام سطام :اقول رح قوم اخوك ولا يكثر ,بعد خايسين لي نوم لين العصر
    سطام يرجع للفوق
    اول ماوصل للغرفه لقى متعب اللي كانت غرفته مشتركه مع سطام مشغل المكيف عقب ماسكرته امه .. اغرآه شكل السرير ونام خصوصاً انه نايم متأخر
    انسدح
    بعدها بـ وقت ..ماحس إلا بأمه تجي وقوم متعب .. وقومت سطام ودفته عالحمام وهواشته ..
    لما جا ابو سطام ..كان سطام يسمع الحوار من ورآ باب الحمام :وش فيك عالولد؟ ليه تضربنه؟
    ام سطام بعصبيه:من زمان وانا اقوم فييه ..مب يسمع الحكي
    ابو سطام بـ دقه: طيب هذا متعب قام معه في نفس الوقت .. ولا هاوشتيه
    ام سطام ترقع :لا بس انا مرسلته يقوم اخوه ..ليش ينوم
    ابو سطام عصب عليها وقال بصوت عالي:تحطين عقلك بـ عقل بزر..منتيب صاحيه..المهم إن شفتك ماده يدك عليه هو بالذات لاتلومين الا نفسم فاهمه
    ام سطام :................
    ابو سطام بـ حده وعصبيه:فــــــاهمه؟؟
    ام سطام :إيه فاهمه
    /
    أبسم بآلم وهو يطالع الطريق ويده عالدركسون ..وهو يعيد كلمة ابوه بهمس: هـو بالذات !! ..
    هذا هو رآيح للشرقيه .. يهرب من وآقع انه لقيط ولا له احد..يمكن يلقـى حياة جديده ..لأن الرياض خلااص مو مكانه
    مافي سبب يخليه يجلس بالرياض .. إلا يمكن مشعل ..حتى اخوانه مايدري وش نظرتهم له بعد هـ الخير
    يالله يـ الدمام ..تحمليني انا جايك وناوي اصير واحد من اهلك

    وينسسون?ُ . . .
    ولآتنسـى من بلآد?ُ شبر وآحد . .
    وينفون?ُ . . .
    ولآتنفـي من السسيرْه ، سطر جآحد !!
    .
    .
    .
    ويرمون?ُ !!
    ويرمون?ُ !!
    ويرمون?ُ !!

    وتلقف فـ حضنْ منفآك . . ?ُل وآحد !

    - شلون ماتدري؟!
    مشعل :قلت لك مدري .. خـلااص لاتقلقنـي
    متعب يمسك راسه وشوي وينهبـل :اقولك انـا شايفيك راكب معه ورآيح معه ..شلون ماتدري وييييينه
    نوره تصيـح :تكفى يامشعل!! علمنا وينه
    مشعل :...... آسف! ماأعرف شي
    متعب كان متأكد انه يدري ..تكلمت احلام :مشعل الله يخليك تكفـى بس عـ الاقل نبي نكلمه نشوف وش اخباره
    مشعـل بسخريه ويطالع ام سطام اللي كانت جالسه في مكانها والحسره والندم ينهشها نهـش :أخبـاره؟ وش تتوقعين اخباره يعني؟ واحد اكتشف ان عقب كل شي حلو سـوآه لهم على اساس انهم اهله صآروا مب اهله
    نوره جالسه وتصيـح :مشعل تكفى تكفـى انا طول الليل مانمت بس افكر وش صار عليه ..الله يخليك بس بكلمه هو بـ يرد عليك
    مشعل : .. قلت لك ماأعرف عنه شي

    ?????
    رفعت عينها ذات الرسمه الخليجيه :بسـآفر؟ ..فرنسا بعد .."بإستهزاء" ..وش الطاري؟ ..
    عبدالله يتأمل وجهها عقب مارفعته .. لونه اصفر وهالات سوداء تحت عينها عيون ذبلانه وشعر تالف وجسم نحيييل كأنها كانت في قبر ..طبق شفايفه بإشئزاز قال يتهزآ بها : مسفرك اوسع صدرك! .. تراني ذليت نفسي عند ولد رئيـسي فالشغل ..عشان اعالجك ..ولو انك ماتستاهلين لآن مافيه بنت تتعاطى مخدرات .. بس عشان سمعـتي
    مرام عقدت حواجبها : ولد رئيسك؟
    عبـدالله طنش سؤالها :المهم ..جهـزي نفسك يوم الاثنيـن ! ..بتسافرين خذي عفشك كله
    مرام مستغربه :كلـــه ؟ .."عقد حواجبها"..مب تقول بتعاجلني؟ منيب جالسه طول العمر
    عبدالله ينهـي الكلام : زي ماقلت لك ..يوم الاثنيـن تصيرين جاهزه !!
    دخلت امها اللي كانت تمسح دموعها ..راحت لها ودفتها بعربيتها لين السرير .. وتجلس قبالها عالسرير ببتسامه:يمه ..خلااص لا يضيق صدرك بتعآلج
    امه تمسح دموعها : بتسآفرين عني يمه! ..وانا ماأبيك تبعديين عني لحظه وحده ..أخاف عليك من هالناس اللي برآ .. اللي صار لك مب شوي
    ضمت مرام امها .. وهي شوي وتبكـي :اسـآفر اعالج وأجي .. وبعدين ترا عبدالله بيصير معي ماعلي خوف
    ام عبدالله : والله ان ماودي اروح القصيم عند خالك ..بس الشكـوى لـ الله
    مرام اكتفت ببتسامه
    ?????

    الْألَمٍ |وٍآلْهَمٍ| وٍ آلخوٍفُ آلدفيْيْيْن~


    وٍآلشقىْاْ وٍ آلضيْمٍ وٍ {آهآتُ آلعنآ’ . . !


    وٍاْلْأسىْ وآلظلمٍ وٍ’’ آلدمَعٍ آلحزٍينْ ‘‘


    كلهَآ’ أسْمَآْءْ وٍ آلمُعنّآ‘ ( اْناْاْاْإ) . . . !

    كلهَآ’ أسْمَآْءْ وٍ آلمُعنّآ‘ ( اْناْاْاْإ) . . . !

    كلهَآ’ أسْمَآْءْ وٍ آلمُعنّآ‘ ( اْناْاْاْإ) . . . !

    ?????

    - عمي تكفـى بشرني عن ابوي والله معد تشوف وجهي
    حمد اللي كان واقف عن باب الفيـلا قال بتعآلي : ورآ ماتسأل عنه في المستشفى ؟
    نواف بحزن :انت تدري اني مقدر اروح في المستشفـى .. الحراسه عليه شديده
    حمد بمغـزى :ليه؟
    نواف :لأنه ولد مبارك آل "....."
    حمد :أجل خـلااص ..هالشي مايهمك .. هذا كان ابوك اما الحين اعتبر ان مالك ابـو
    نواف ماناقش .. ورآح للجهة الباب
    طبعـاً حمد ماأستغرب سكوت نواف ابد .. لأنه يظنه ضعيف شخصيه وحيآوي

    ليش أزيد [الج‘ـَرْح] . .؟


    وأتكلّم,مدام حتىا قلبي


    قرّب إح‘ـَساسه|يموت| . . !


    قرّب إح‘ـَساسه|يموت | . . !


    قرّب إح‘ـَساسه|يموت | . . !


    اللي مثلي , ما هو مح‘ـَتاج الكلام


    اللي مثلي , بس : يحتاج الس‘ـَكوت. . !
    الجزء الرآبع و العشــرون..!
    ???

    فـي الصاله العالميه لـ البولنج
    طمنت شوي ثم رمت الكوره .. طالعتها لين وصلت .. صحيح مادخلتها كلها ..بس شيء احسن من لا شي..تذكرت اخوانها كيف فنانيـن بـ مثل هالاشياء ..بولينج وبلياردو وغيره
    - يهـوووووو ..ماتحقرين نفسك
    التفت لها نجلا وهي تعدل الشنيون حقها : نعم اختي؟
    ندى تمسك الكوره وتتقدم وتدخل اصابعها في الفتحه المخصصه لها :آللي يشوفك يقول انك ماتقدرين حتى تشيلين كورة البوليـنج ..هههههه والحين دخلتي لك كم وحده
    نجلا تقدمت وخذ الكوره من ندى :اقول حيآتي .. هذا دوري كل شخص يرمي مرتين
    ندى تعطيها الكوره :يـآربيه ..يامصلك يخـتي! ..الحين بدآل هالخساير ليش مالعبنا في غرفة اخوانك ؟
    نجـلا ترفع خصله من وجهها عقب مارمت الكوره :اممممم .. مدري ابي اطلع من البيت اغير جوو
    ندى :مسكيينه خجل .. ارحمها وربي 4 شهور بتنطق فـ البيت
    نجلا تمد للندى الكوره :العده بعد وش تسوين ..
    يوم رمت ندى الكوره ..ودخلت كلها نطت ندى :يسسسسسس ..هاهاها ..انا احسن وحده تلعب بليـآردو في الشرق الاوسط!! ..
    نجـلا بضحكه:ههههههه عدال لاتتكسرين ..المهم وش رآيك نشتري لنا من المطعم ونروح لـ خجل؟
    ابتسمت ندى لأن هـ الاقتراح جآي من نجلا .. طول عمرها نجلا طيبه ولا تقدر تشيل على احد مده طويله .. :قـدام!

    ?????

    دخل الشركه الفخمـه بـ كل المقاييس .. طالع الادوآر اللي مفتحه على بعض .. حتى ان لوبي الشركه سقفه عآلي مره ..
    تقدم للرجال فالرسبشن حسن المظهر والهيئه :السلام عليكم
    الرسبشن :وعليكم السلام والرحمه
    متعب : والله مدري يـآخي انتوا حاطين إعلان فـ الجريده طالبين موظفين ..
    الرسبشن :إيه تفضل ! ..أستـريح لين اناديك اخوي
    متعب إن شاء الله

    راح متعب وجلس على وحده من الكراسي اللي كانت مريحه .. حتى التكييف والديكور وكل الشركه على بعضها ..رآقيه وحلوه
    رن جواله
    المتصـل>نوره
    متعب :يـــاليل القلق ..هاااه؟
    نوره :وووووجع! .. هاه بشر قبلوك
    متعب :اول شي توني داخل ..وبعدين على بالك القبول فـ الوظيفه زي القبول فالدرسه ..لازم يوافقون يقابلون معي ..وسالفه وحوسه انتي وش عرفك اصلاً
    نوره سكتت لأنها تدري انه متوتر ..قالت :المهم كيف الشركه؟
    متعب :والله يـانوره تجيب العافيه .. ماودي اطلع منها ..لو يشغلوني حارس بس انوم عندهم ماأقول لا
    نوره :ههههههههههههه .. طيب يالله شد حيلك
    متعب تذكر سطام وضآق صدره :أكيد
    لفت نظره واحد واقف ومعآه رجال ويسولفون .. عقد حواجبه .. ولا كان يسمع نوره وش تقول له .. كان يشششبه سطام مره .. قام وقال للنوره :نوره اكلمك بعدين طيب؟
    نوره عصبت :خيييير؟ تسمع بأدآب الحديث انت؟
    متعب متجهه له :لا يكثر باي
    سكر منها .. وتقدم .. لما وصل كانت ريحة عطره حلوه وشكل عطره ماركه ..رفع اصبعه ووضرب على كتـفه وهو مبتسـم
    التفت الرجال ..بس الصدمه ماكان سطام ..اختفت الابتسامه ..خاب ظنه ..
    متعب للنفسه :مب سطـام !!
    الرجال:نعـم اخوي بغيت شي؟
    متعب بلع ريقه شكله واحد شـي :لا والله بس كنت مشبهه عليك ..آسف والله مـ
    قاطعه ببتسامه :لا عادي تصير في أطـلق العوايل .."ولف للي معه".. يالله طارق مشينآ !
    /
    لما كان ناصر يمشي مع طارق ومتتجهه للمكتبه :طيب وش اخباره ؟
    ناصر :مدري عنه والله ..سألت ابوي قبل فتره يقول لين الحين يتلقى العلاج ولا بعد شفنا نتايج تستحق
    طارق : لاتنسـى ان 28 سنه ميب شويه .. يعني مب شي غريب يصير فاقد للذآكره ..والحمدالله بعد انه قام
    ناصر : على قولك .."وكمل بضيقه" انا راحم امي مـره بصراحه .. وربي لو تشوفها كنه ضايع منها امس
    طارق :الله لا يلومها .. يمكن لو اخوك ميت كان ارتاحت وتناست .. ونزل ربك العزا في قلبها .. بس يضيع هذي حرقة قلب
    ?????

    لما سكرت نوره من متعب ..
    راحت عند ملاك ..اللي كانت صحتها في تدهور ..جتها فتره كانت تاكل شوي ..صحيح لين الحين حابسه نفسها في قوقعتها ولا تكلم احد ..بس من بعد سطام زآدت بكثير ..حتى اكل ماتاكل
    دخلت لقتها جالسه عالربيه وتنـاظر الشباك .. :ملاك حبيبـتي؟ آكلتي شي؟
    ملاك :.............."لا رد"
    اتجهت لها وجلست عالارض .. ويديها على رجول ملاك :ملاك تكفين عشاني كلي لو لقمه وحده
    بس ملاك صدت براسها عن نوره ..كأنها تعاقبهم ليش يسوون بسطام كذا .. وتعاقبهم ليش يضربونها وهي اللي ماسوت شي ابد
    نوره :طيب مب عشاني ..عشان سطـام؟ ..ماأظن انه لو درآ انك ماتاكلين بيصير مبسوط
    خنقتها العبره من جابت طاري سطام .. وكأنها تقول انتي جيبيه لي ويصير خير
    لما شافت نوره ان مافيه فايد ..طلعت برا الغرفه ودقت على مشعل
    مشعل :هلا
    نوره :مشعل .. طالبتك لا تقول لا
    مشعـل : نوره انا كم مره قلت لك ..لآ تسأليني عن سطام
    نوره : والله ملاك ماتاكل .. ولا تسمع لأحد ..اخاف تموت وربي
    مشعل سكت شوي كأنه لان ..بس تذكر انه حلف وقطع وعد :نوره سطام حالف علي ان علمت احد عن مكانه او عن رقمه ..حتى انا منيب داري بـ شي عنه .. خليني كذا عارف اخبار سطام واطمنكم انه بخير
    نوره اهتز فكها وشوي وتصيح :والله إننا محتاجينه ..قـل له اهلك محتاجينك انا اعرفه مب قايل لا .. بيجينا ركض انا ادري اننا نهمـه
    مشعل : لا يانوره هالمره غير!! .. لاتنسـين انه مب ولدكم
    نوره وجعتها هالكلمه ..وقالت بـ غصه:ادري ..قـاللي متعب بـ كل شي يوم رآح لـ عبدالاله ..بس احنا وش ذنبنا طيب؟ ..وش سوينا عشان يتركنا؟
    مشعل رحمها .. ولا عنده شي يقوله قال ينهي المسأله :تكفين حاولي في ملاك تاكل .. وزي ماقلت لك ترا .. سطام هالمره صدق ناوي يطلع من حياتنا انا وانا اقرب الناس له ..احسه بيتركني يوم ..ماأقدر اعطيك كلمه
    نوره :تكفـى حاول ..أنا ماألومه على شي ..بس محتاجينه وربي!
    ?????
    عبدالله : والله طال عمرك متى مابغيت تسافر احنا جاهزين
    بندر :لا انا بكرت سفرتي كم اسبوع ..واحنا على موعدنا يوم الاثنين
    عبدالله بـ إحراج مصطنع : أمم ! .. طيب الفلوس..ماني بقادر اسـ..
    قاطعه :زي ماقلت لك .. انا بعد مستفيد من تسفيري لأختك ..يعني كلنا مستفيدين ..انا رسالتي الماجستير ..وأنت تعالج أختك
    ?????
    خجل وهي تطالع تحت :يعني معدك شايله علي
    نجلا ضمتها وهي حاسه بأنيب الضمير :آنا آسفه قلت لك ..انا ابيك تسامحيني ..تقولين مب شايله علي؟
    خجل تضم خجل بعد..وضحكت ضحكه مزيفه :ههههه لبـى قلبك
    ندى:يـآربييه انتوا ..يالله جعنا خل نروح ناكل
    خجل تمسح دمعتها وهي تبتسم :هههه أبشري قلت للشغاله تحط الاكل اللي جبتوه عالسفره .. تلاقينها خلصت امشي نروح ناكل
    ندى :هيـآ بنا
    لما جلسوا وصاروا يسولفون ..خجل اللي كانت ممتـنه لهم مره انهم طلعوها من جوآ الكآبه والحزن ..
    قالت ندى بصدمه :وش سـآفرين منتيب صاحيه؟
    نجلا :والعـده طيب؟
    خجل :انا قلت لـ بندر .. إن سفـرتي ماتصلح وانا بالعده ..قال كملي عدتك بـ فرنسآ ..
    ندى :يسسستهبل اخوك ؟ وش تكملين عدتك في فرنسـا ؟
    نجلا :خجل انا اشوف ان الجامعه احق ؟
    خجل بغصه :انا اعتذرت لاتنسين يانجلا
    ندى :بس مايجوز يختي
    نجلا التفت للندى :ندى إحنا عندنا الوحده بالعده ولالا محد يهتم بـ هالشي كثير .. "وهي تناظر صحنها "..يعني زين كان في من عايلتنا يطبقون شرع الله كله
    ندى :ماافيه شي اسمه عندكم!! .. هذا حكم ربي قـايله ولازم نمشي عليه ..ولا الفلوس يعني تخلي الواحد يفسـق
    خجل ببتسامه:شي زي كذا !
    انحرجت ندى من كلامها المتسـرع .. واللي احرجها اكثر آدب خجل معها ..وسكوت نجلا اللي كان إحترام لها لأنها صديقتهم في بيت عمها .. هي دايم تنسـى وتحسب ان مجتمع نجلا وخجل زي مجتمهم .. صحيح نجلا وخجل يمكن غير .. بس أهلهم وعايلتهم كـ كل .. مايهمهم .. يعني وحده بالعده طيب وبعدين؟ شرع الله مايطبقونه كله .. فـ فضلت انها تسكت
    خجل :بندر كان راحمني ..يقول شايل همك ووش يجلسك هنا ويضيق صدرك ..حتى جامعه مافيه .. قالي اجي معاه للفرنسا تغيير جو
    نجـلا :كم بـ يجلس اخوك ؟
    خجل:رسالة ماحستير ويجي ..بس مدري كم تاخذ .. يقولي متى مابغيتي ترجعين برجعك ..
    ندى ساكته ومب عاجبها الحكي .قامت نجلا :الحمدالله .. انا بقوم اشوف ديمآتي ..
    خجل ببتسامه :

    ?????
    - وليه ماتاكل ؟
    مشعل :تغبآك ..يمكنها تحس ان اهلها هم السبب فاللي فيك ..
    سطام :لا تكذب علي يامشعل .. هي من الاول هذي حالتها
    مشعل :ماكذبت عليك انا .. انت تدري ياسطام ان ملاك ماكانت تتقبل الا انت ..حتى يوم طلعت من السجن نسيت يوم تقولي إنك متطمن عالاقل انها تبيك وتفرح لاشافتك ..
    سطام :...
    مشعل :دق سمح خاطرها شوي بس ..ماقلت لك تعال الرياض ..بس دق!
    سطام :.........
    مشعل :سطـام! ..هي مالها ذنب ..اخوانك مالهم ذنب ابد
    سطام :أدري ان مالهم ذنب .. منيب جاهل انا عشان تقولي مالهم ذنب ..بس انت ماتحس بـ اللي احس به
    مشعل :يمكن انا ماأحس بس ادري انك تحب اخوانك ..وادري انك قوي .. لأن اللي يسمع صوتك الحين وقدرتك على حتى الاخذ والعطى مع الناس مايقول ان هـ الانسان هموم الدنيـا جوآه .. سطام اترك عنك العناد ودق ..عشان خاطري!
    سطام :مشعل انا مشغـول اكلمك بعدين
    مشعل :الله يهديك ..يالله فمان الله ..أنتبـه على نفسك تكفى ياسطام
    سطام :أنتبـه! ..انت تدري وش اكثر شي اتمنـآه الحين؟ ..الموت
    مشعل عصب :سطـام وربي لوك قدامي ان اقوم اكوفنك والعن ابو خامسك وافرمك بـ يدي
    سطام ضحك بألم :ههههههه تحبـني؟
    مشعل :اقول أها بس
    سطام :ألا تحبني ولا تقدر على فرقآي ..اعترف؟
    مشعل تنهد :وربي لك معزه ياسطام ..ماأكذب ان قلت اني احبك اكثر من نفسسي حتـى
    سطام : بكره يجونك عيال ..وتسحب علي ههه
    مشعل :كـل تبن بس ..رح للشغلك مب تقول انك مشغول ..منتب وجهه رومنسيه ان ولا جو حميمي مدري شآعري
    سطام :وش اخبارك مع مرتك؟
    مشعل :مب مره
    سطام : ياخي انت سطحي جداً ..خلااص الفاس طاح فالراس ولا تقدر تسوي شي ..ولا خلها تستفيد من خبرتك في اللبس والماركات
    مشعل :وانا وش عرفـني فملابس الحريم
    سطام :مب صعبه ..رح بها مع نوره ولا لو انت وهي بس وخل راعي المحل يساعدكم
    مشعل : ماعليك لا تشيـل همي! ..ألا اخبار الشرقيه؟
    سطام :توني وآصل ..وانا بصراحه ابي ارتاح عشان كذا قلت لك مشغول بس شكل ماعندك دم انت
    مشعل :ههههههههههه طيب لاتدف امزح ..يالله ولاتنسـى اللي قلت لك
    سطام :يصير خير يالله فمان الله
    الضحك صآير بسْ عَلى الطآريّ ..
    والابتسآمة تمَر ،
    وتقول : تامر شي؟!
    وبكل هدوء، أزفر، و أجآوب:
    هاتي أي شيّ فـ طرِيقكْ ..
    وِجهيّ عآرِيّ !

    ?????
    قالت بحيره وهي تلوي سلك التفلون :مدري يـا أحلام .. حاولت فيها تاكل ..أحس محد بيعرف لها الا سطام
    احلام :وامي ..وش اخبارها ؟
    نوره :عقب الحكي ..السـم! ..اللي سمعته من خالي وهي حابسه نفسها في غرفتها
    احلام :رحتـي لها ؟
    نوره :بصراحه لا! ..لأن حتى انا مالي مزاج ..ماودي احاكي احد ..مره وآحشني سطام .. قلت لأحمد بنام هنا كم يوم
    احلام :ووآفق؟
    نوره ولا بعـد! ..
    احلام بـ شك :وش والا بعد؟ يعني غصب عنه مثلا؟
    نوره :لا مو غصب .. بس اهلي بحاجتي
    احلام :اها ..طيب وش صار على متعب
    نوره :مدري .. بس ان شاء الله يقبلونه
    احلام تتنهد :آآه بس وينك ياسطام ..وربي كان شايل كل شي على ظهره
    نوره :امس ماجاني النوم .. طول الوقت افكر فيه .. تدرين! ..احس حتى احنا اخوانه مقصرين في حقه ..يعني ماقد ساعدناه ..اتذكر قبل لا أتزوج احمد ..كيف كنت اتذمر بسبب قل فلوسنا ..وهو صحيح يهاوشني احيانا ...بس كنت اجرحه واضيق صدره
    احلام :الله يعين ..انا نفسي مب مستوعبه ابد ابد .. مصدومه
    نوره :شايله همه! ..اذا احنا هذي حالتنا كيف هو؟
    احلام :انا عكسك .. انا احسه الحين في وقت صدمه! ..اصبري عليه شوي صدق صدق بـ ترحمينه
    نوره عقدت حواجبها :مافهمت عليك؟
    احلام :الحين رمضان عـ الابواب .. والعيد جآي
    شهقت نوره :إييييه صح!! .. تخيلي برمضان يصير لحاله .. ولا العيد؟ ..
    احلام :اوقات زي كذا ..بتكون صعبه صعبه بالنسبه له ..الحين ماعليه شر ان شاء الله ...توه في حالة صدمه .. تقدرين تقولين ماأستوعب ..بس لين جا وقت الجد ..الاوقات اللي الواحد يحاج اهله .. مدري وش بيسوي
    رن جوال نوره رقم غريب ..بس ماكان رقم جوال .. :احلام حياتي اكلمك بعدين بشوف من ذا اللي داق طيب؟

    احلام :اوكي
    سكرت واخذت جوالها وردت :آلو ؟
    الطرف الثاني:هلا نوره كيفك ؟
    نوره شهقـت :سسسطام؟؟!!!
    سطام :إيه سطام
    نوره تصيح :سطام وينك ؟ ..وربي اشتتقت لك ..انت بخير؟
    سطام :الحمدالله بخير وصحه .. انتي كيفك؟..
    نوره تشاهق :الحـ الحمدالله
    سطام :الحين وش فيك تصيحين ؟تراك شايفتني امس؟
    نوره :حتى لو !
    سطام :وين ملاك؟
    نوره تتجهه للدرج هروله :فوق ..
    سطام :طيب هاتيها
    نوره :ابشر .دقايق بس
    كنُ»آلريآإضّ بـ غيبتكّ. . . / مآلهآ روووّح!
    - ملاك تلفوون
    بس ملاك ماعبرتها ..كانت جالسه عالسرير ..وعينها طايره فالهوآء ..وكأنها مب مهتمه من اللي دآق ..هي حتى صديقاتها ماتدري عنهم وأولهم فـيّ ..
    نوره :ماتبين تعرفين مين
    لفت عالجهه الثانيه .. وكأنها تقول مايهمني .. بس لفت بسرعه يوم قالت لها نوره :سطـام !!
    طالعتها بـ لهفه .. وشبه إبتسامه مرسومه على ثغرها .. مدة يدينها تبي تاخذ الجوال ..عطتها نوره الجوال .. حطته على اذنها وصارت تصييح وتضحك
    سطام ببتسامه :هلا والله بـ ملاك ..هلا بـ اختي وبنتي بعد
    ملاك ببتسامه كانت تصيح .. وتشهق :.
    سطام :كيفك الحين ؟ ..تمام ؟
    ماردت ..بس ضحكتها الخفيفه خلته يدري انها احسن بكثير خصوصا يوم سمعت صوته .. :وحشـتيني ..بس يقولون انك ماتاكلين ليه ؟
    ملاك تقوست شفايفها على تحت ..تبي تقوله لأنك مب هنا ..بس صعب تتكلم ..كانت ماسكه صيحتها بس كانت تشهق .. دموعها تنزل بس مسكره فمها وحتى جسمها يرقى على فوق شوي آثـر الشهقات ..وصوت يطلع من صدرها لـ حنجرتها لأنها كاتمه صيحتها
    سطام ضاق صدره من حالتها .. تنهد :ترا ازعل عليك ..إن دريت ان ماتاكلين ..يالله نص ساعه وبدق .. وأن دريت انك ماكلتي زعلت عليك ..طيب؟


    ?????

    آآآ‘هُ. .وٍينكٍ,


    رٍهبتهٌ. . . !

    حَزّة(حضوٍرٍهُ . . .

    هيبتهُ|ضجّة سكوٍووٍنهُ. . . !

    ?????
    فـي آخر الليل ..دخل المستشفـى ..وقفته وحده من النيرس وتكلمه بعريتها المكسره :اكسكيوزمي ..ممنوء ..تآيمز أب! (ممنوع الوقت انتهـى)
    نواف : وين الرسبشن؟
    النيرس : بليز قيت آوت .. (اطلع برا)
    نواف سفهها :منيب رآيق لك ترا ..
    راح للرسبشن ..تو الموظف بيقوله ممنوع الزياره الحين ..بحكم ان الوقت متـآخر ..بس لما سأل نواف عن غرفة عبدالعزيز آل"...." خلاه يروح ..لما درآ انه يصير وانه وحفيد مبأرك ..بس قبل مر على الدكتور المسؤول على حالة ابوه ..ومن حظه انه كان منآوب ..والظاهر انه مب بـ رضآه
    وصل للغرفه .. لما دخل كان عبدالعزيز جالس عالسرير ..وشكله مانام
    نواف :السسسلام عليكم
    التفت عبدالعزيز ..وأنبسط لما شاف ولده :يـاهلا ومرحبا ..وعليكم السلام والرحمه
    رآح له نواف وحب رآسه ..جلس ع الكرسي قريب من ابوه :وش اخبارك ؟
    عبد العزيز :بخير دامني شفتك يـا أبوي .."بحزن وتردد "..بس مستحي منك
    نواف :وليه ؟
    عبد العزيز : عقب طردتك ..ماكانت حلوه ابد في حقك وحقـي انا بعد
    نواف: لاتقلب المواجع
    عبد العزيز : وانا ابوك زي كذا لاتسكت لهم ..هم يسون كذا لآنك تسكت
    نواف: انا اسكت لأني ابي اشوفك ..ماأبيهم يحرموني منك
    عبد العزيز ببتسامه حنونه :لبـى قلبك ! .جعل ماشفنا انا وانت تكفير .. جسبي الله ونعم الوكيـل بس
    نواف : اجل جلطه يبـه! ..ماتسوى عليك
    عبدالعزيز تذكر منظر نواف يوم يرمونه عـ الارض .. قال وهو يشد بيده عالفراش :ماقدرت اتحمل .. تمنيت انهم ناطليني انا ولا انت
    نواف ابتسم :كان ماأمسك نفسي .. واطلع على حقيقـتي وانسف بهم الارض ههه .. ولاعلي جدي ولا خالي
    عبدالعزيز :ههههههه يـا قوي .."سكت شوي وكمل بـ هدوء وتردد "..وش اخبار امك ؟
    نواف يتسند :الحمدالله بخير ..شرهه علي تقول صاير تنوم برآ البيت كثير
    عبد العزيز : وش ينومك برآ البيت ؟
    نواف:أخويـأي
    عبد العزيز :خالتك ماأعرست؟
    نواف :ماجا النصيب لين الحين .. بس امي تحس ودها وماودها
    عبد العزيز وكنه انبسطت عالسالفه :سولف لي عنكم .. وربي احس اني مشتاق لأيامي معك ومع امك ..يومنا عائله وحده




    || .. تــۄقيعے .. ||
    مآتصنعت آلمشآعر لـأجل أبرهن من أگون ..!!




    ❤️ http://galag.yoo7.com/t59-topic << هنــآآآآ


    avatar
    ¬» βëήţ ĠάĻάĝ » ●°
    صـآحبة الموقع || ~
    صـآحبة الموقع || ~

    مسآهمآتي : 958
    نجومـي : 2267
    تقيـمي : 750
    تاريخ التسجيل : 01/04/2011

    رد: || روـآآية ثقيله مزحة الدنيا \ كــآآمله ~..

    مُساهمة من طرف ¬» βëήţ ĠάĻάĝ » ●° في الخميس سبتمبر 15, 2011 7:37 am


    يتبـــع ~..

    - إنتـي متأكده انها داقه عليك ؟
    هيله :إيه متــأكده !! ..وهي مافيها شي يمه وربي حتى صوتها
    ام عبدالله بقلق ملازمها من ايام :مدري يختـي ماش .. ما أحس ان واحد بيخطف بنت ومب مسوي لها شي ..اخاف اختتس ماتعرف شي
    هيله :وش ماتعرف يمه ..عمرها 16 سنه .. كبيره
    /
    وهي جالسه على طاولة الطعام ..جتها شغاله تدف عربيه ..حطت لـ جود الاكل
    الشغاله الحبشيه : هذا الاندومي اللي طلبتيه
    جود تبتسم للشغاله :شكـراَ
    بدت جود تاكل .. ودها تدق على اهلها بس مافيه تلفون .. حتى جربت تفتح الباب بس كان مقفول ..يعني حتى الحوش ماتقدر تطلع ..ماجد حاسبها صح ..
    اخذت صحنها ماتعودت تاكل عالطاوله .. راحت عند الصاله وشغلت التلفزيون ..وحطت تحت كم مخده عشان السيراميك ..وقعدت عالارض قدام التلفزيون (أحلى مكان ههه ) ..دورت فـ المحطات .. مالقت شي .آخر شي رست على mbc3 .. تشوف هانا مونتانا >حالتي لما اطفش :! خخخ
    ماتدري كم مر من الوقت .. دخل ماجد .. اللي كان يدندن وشكله مبسوط ..
    ماجد :ويـن انت ماهي مثل وين انت دايم ..يامطول الغيبه وين الغنايم .. مالي
    التفت يوم شافها .. اتجه لها وابتسم يوم شافها تطالع mbc3 .. هي انحرجت وغيرت القناة وجت على mbc4
    ماجد :ههههههه الواحد مايستحي من الشي اللي يحبه .. يوم كنت بـ عمرك ماكان عندنا قنوات خاصه فينا
    جود منحرجه :لا بس ..كنت اغير القنوات ولا ماكنت ناظره ..اصلا تخيلني اناظر قناة اطفال
    ماجد رفع عينه عالتلفـزيون ..وأبتسم التفت هي تبي تشوف وش يطالع كانت حاطه على mbc4 ..وجت لقطه مخله جداً .. ارتبكت وجت بتمسك الريموت بس انه طاح منها ..ومن غير قصد دفت الاندومي اللي طاح هو بعد وأنكسرت الباديه
    ماجد :ههه اوف اوف ..كل ذا عشان هالقطه ؟
    جود مستحييه منه مره ومتفشله : .......
    ماجد يرفع يده يشوف الساعه :المهم ترا الوقت متأخر روحي نامي ..وقولي للشغاله تلم الاكل اللي طاح ..
    جود بـ دقه :ليش انوم ؟ ماعندي مدرسه
    ماجد :يقالك تذبين مثلاً ؟ .. روحي نومي بس ..
    اتجهه للباب بيطلع ..سألته من غير شعور منها :وين؟
    ماجد :تبين انوم عندك يعني؟
    جود انحرجت : لآ ..بس اجلس لحالي ؟
    ماجد :عندك الشغاله
    جود ..وقفت عند المدخل وصارت مقابلته ..بس بينهم مسافه بعيده :بـس ... "وسكتت "
    ماجد :ماورآي الا انتي ؟
    جود خنقتها العبره :أجل رجعني لأهلي ..ليش تاخذني .. اكيد انك ماتبي فلوس .."ونزلت دموعها " .. لأن عندك فلوس ..حتى الفلوس اللي انا اطلعها من هالشغله تعطيني اياها ..علمـني وش تبي
    تقدم لها ..صار مقابل لها مره .. حط يده على خدها ومسـح دمعتها :قريب بـ رجعك لأهلك ..صدقيني قريب
    جود تبعد يده عنها :أنت حتى ماخليـتني اتغطى عنك
    ماجد :هههههههه إيه اللي يسمعك يقول مره حريصه عالغطـآ ..وبعدين انا اشوفك بزر عشان كذا سحبت منك العبايه
    جود :مانيب بـزر تراني في اولى ثنوي ..يعني يوم امك كبري كانت جايبتك
    ماجد :وش عرفك في أمي ؟ ..المهم روحي نامي ..وعد مني ارجعك لأهلك مثل ماجبتك
    جود :صدق ؟ ..
    ماجد : شوفي صح اني حرامي وخاطفك ..بس اني ماأخلف الوعد
    جود تناظره بستهزاء ..وهو ضحك .. انحرجت منه ..كان يحلوو لما يضحك .. :متى ترجعني؟

    ماجد :قريب قلت لك ..يالله روحي نامي ..
    وطلـع
    طلع وهي راحت عند الكنب ورمت نفسها .. تذكرت شكله ..طوله على جماله .. لما يبتسم وتبين اسنانه الحلوه .. والديرتي حقه على ستايله ..
    طالعت السقف ..وشهقت :إلا والله ...يششششششبه ضآحي العلي!!
    أبتسمت بشوية ضحكه .. صح والله يشبه ضآحي العلي ..
    حتى انه طيب .. والدليل هالملابس اللي ماقد فكرت ان بيجي يوم تلبس زي كذا .. وهالقصر .. من يصدق ان جود بتسكن في مثل هالمكان
    بس وش يبـي ؟
    ?????
    وهي داخله الشركه ..جلست عالكرسي وهي خايفه ان حسين يشوفها ..من امس وهي تفكر بكلامه .. وش معنـى هي ؟
    هي في فكره تفـر راسها ..فيصل مب نافعها بـ شي ..وشكله مب لمها ابد .. وهي بحاجه انها تستقر ..عـ الاقل تاخذ حسين وتضمن ان ورآها رجال ..وعلى قولهم عصفور بـ اليد ولا عشره بالشجره
    بس هي ماتبي حسين .. مو من نوعيتها ابد ..خصوصاً انه اكبر منها بـ سنه بس ..وهي كانت تطمح عـ الاقل 4 سنين او 5 ..
    بس لو بتاخذ حسين ..بعيش العز على اصوله ..يعني يكفي ان ابوه عنده شركات عالميه .. وله فرع في أمريكا ..يعني حتى بتقدر تضمن ان عيالها بيدرسون بأمريكا ..وبيعيشون عيشة عز !
    فيصل باين عليه انه إنسان عادي .. وماعنده فلوس ..بس اللي رفعه فلوس عمه ..صحيح انه مايستهان به ..وماسك إدارة وحده من الفروع وهذا ان دل دل على ان ابو حسين يوثق فيه .. بس وش تسوي ..تاخذ حسين وتدفن انجذابها لـ فيصل ؟
    ولا ترفض حسين على آمل ان فيصل يتحرك ويحبها ولا يتقدم لها
    ام حسن تقول ..خذي حسين احسن .. لأنه شاريها ومستعد يسوي أي شي عشانها وهالشي يطل من عيونه
    وخذي اللي يحبك ولا تاخذين الي تحبـين ..
    - السسلام عليكم!
    رفعت جوان عينها هذا حسين ..:وعليكم السلام
    حسين :فيصل عنده احد؟
    جوان :توني جايه .. بس تقدر تتفضل
    دخل ولا تكلم ..
    غريبــه ..ماعلق عليقاته ..ولا قال بنت بلآدي .. يعني لما ترفضه بـ تفقد هالمعامله وهـ الاسهبال ..لين اللوح فيصل يتحرك ..هذا إن تحرك !!
    جوان :ذير از نو تشويسز ..أي ول سآي يسسسس
    ( لا يوجد خيار سأقول نعم)

    ضيّعتْ علىٍ . . [ سكة الحيرٍةُ] . . عنآوٍوٍينْ . . !

    ضيّعتْ علىٍ . . [ سكة الحيرٍةُ] . . عنآوٍوٍينْ . . !

    ضيّعتْ علىٍ . . [ سكة الحيرٍةُ] . . عنآوٍوٍينْ . . !



    || .. تــۄقيعے .. ||
    مآتصنعت آلمشآعر لـأجل أبرهن من أگون ..!!




    ❤️ http://galag.yoo7.com/t59-topic << هنــآآآآ



      الوقت/التاريخ الآن هو الجمعة يوليو 20, 2018 3:18 am